İtaliyanın Leççe şəhərində 82 yaşlı bir şəxsə qarşı nəvəsinə qarşı seksual xarakterli cinayət əməlləri törətməkdə ittiham irəli sürülüb. AzPost xəbər verir ki, istintaq məlumatına görə, azyaşlı qız Almaniyadan İtaliyaya qonaq gəldiyi zaman bir neçə dəfə təzyiq və istismar hallarına məruz qalıb.
Hadisə barədə məlumat yalnız bu ilin avqustunda üzə çıxıb. Qız anasına baş verənləri danışıb, daha sonra tibbi müayinə zamanı uşaqda güclü psixoloji travma əlamətləri qeydə alınıb. Bundan sonra ailə hüquq-mühafizə orqanlarına müraciət edib.
Hazırda kişi barəsində cinayət işi açılıb, o, istintaqın gedişində məhkəmə qarşısında cavab verəcək. Hadisə İtaliya ictimaiyyətində geniş rezonans doğurub və yetkinlik yaşına çatmayanların müdafiəsi ilə bağlı tədbirlərin gücləndirilməsi məsələsini gündəmə gətirib.
