Gündəlik qidalanmada tez-tez istifadə olunan buterbrodlar rahat və sürətli seçim hesab olunur. Lakin bəzi növləri sağlamlıq üçün ciddi risk yarada bilər.
AzPost BB.LV saytına istinadla xəbər verir ki, qastroenteroloq Sergey Vyalov kolbasa, pendir və mayonezlə hazırlanan buterbrodların orqanizm üçün ən zərərli variantlardan biri olduğunu bildirib. Onun sözlərinə görə, belə qidalar çoxlu yağ və şəkər ehtiva etdiyi üçün sağlamlığa mənfi təsir göstərə bilər.
Mütəxəssis qeyd edir ki, daha faydalı buterbrodlar tərəvəz, göyərti və zülal mənbələri ilə hazırlanmalıdır. Məsələn, avokado xolesterinin azalmasına kömək edir, pomidor antioksidantlarla zəngindir, toyuq filesi isə orqanizm üçün vacib olan zülal mənbəyi hesab olunur.
Həkim həmçinin alternativ olaraq tuna balığı, avokado və manqo ilə hazırlanan buterbrodları tövsiyə edir. Bildirilir ki, tuna omeqa-3 yağ turşuları və zülalla zəngindir, avokado kalium və E vitamini ehtiva edir, manqo isə C vitamini və antioksidantların yaxşı mənbəyidir.
