İnternet istifadəçilərinin milyonlarla hesabı hələ də son dərəcə sadə şifrələrlə qorunur.
Azpost.info bildirir ki, kibertəhlükəsizlik üzrə mütəxəssislərin araşdırmasına görə, dünyanın ən çox istifadə olunan şifrələri arasında “123456”, “123456789” və “password” kimi kombinasiyalar yenə də ilk sıralarda yer alır.
Ekspertlər bildirirlər ki, texnologiyaların inkişafına baxmayaraq, istifadəçilərin böyük hissəsi asan yadda qalan şifrələrdən imtina etmir. Bu isə kibercinayətkarların işini xeyli asanlaşdırır.
Araşdırmaya əsasən, ən çox istifadə olunan şifrələrin ilk onluğu belədir:
- 123456
- 123456789
- 12345678
- password
- qwerty123
- qwerty1
- 111111
- 12345
- secret
- admin
Mütəxəssislər qeyd edirlər ki, bu cür şifrələr xüsusi proqramlar vasitəsilə bir neçə saniyə ərzində sınaqdan keçirilə və qırıla bilər. Xüsusilə sosial şəbəkələr, elektron poçt və bank xidmətləri üçün sadə şifrələrdən istifadə ciddi risk yaradır.
Kibertəhlükəsizlik üzrə ekspertlərin tövsiyəsinə görə, etibarlı şifrə ən azı 12 simvoldan ibarət olmalı, böyük və kiçik hərfləri, rəqəmləri və xüsusi işarələri özündə birləşdirməlidir. Eyni şifrənin bir neçə hesab üçün istifadə edilməsi də məsləhət görülmür.
Maraqlıdır ki, araşdırmalar insanların əksəriyyətinin şifrə seçərkən doğum tarixi, ad, telefon nömrəsi və ya klaviaturada ardıcıl yerləşən düymələrdən istifadə etdiyini göstərir. Məhz buna görə hər il milyonlarla hesab sındırılır.
Mütəxəssislər istifadəçilərə iki faktorlu identifikasiyanı aktivləşdirməyi və şifrələri mütəmadi yeniləməyi tövsiyə edirlər.
Sunay Aydın
