Ukraynada azərbaycanlı tələbə Rusiyanın raket zərbələri nəticəsində həlak olub.
Azpost.info bildirir ki, iyunun 29-da Xarkov Tibb Universitetinin tələbəsi, 23 yaşlı Fatimə Hüseynova Rusiyanın Xarkova hücumu nəticəsində həlak olub.
Bu barədə universitetin Facebook səhifəsində məlumat verilib.
Qeyd olunur ki, Fatimə Hüseynova Tibb Fakültəsinin altıncı kurs tələbəsi olub. Xarkovda insanları daşıyan tramvayın yaxınlığında partlayan Rusiya bombası gənc gələcək mütəxəssisin həyatına son qoyub.
“O, inadla bilik axtarışında olub, həyatını tibbə həsr etməyi və həyatları xilas etməyi arzulayıb. Parlaq, mehriban, səmimi, məsuliyyətli və qayğıkeş – müəllimləri, sinif yoldaşları, dostları və onu tanıyan hər kəs tərəfindən əbədi olaraq belə xatırlanacaq”, – deyə Xarkov Milli Tibb Universitetinin nümayəndələri qeyd ediblər.
Yerli Kharkiv Today nəşri xəbər verir ki, düşmən hücumu zamanı Fatimə buraxılış günü üçün fotosessiyaya tələsirdi. Qız və onun tələbəlik rəfiqəsi küçədə gedərkən Rusiya tərəfindən idarə olunan bomba partlayıb. Medianın məlumatına görə, qızlar fotosessiya məkanına çatmağa bir neçə metr qalmışdılar.
“Fatimə və Ada xüsusi olaraq sabah keçirilməsi planlaşdırılan məzun mərasimi üçün gəlmişdilər. Hamı artıq fotosessiyaya gəlmişdi, ikisini gözləyirdi”, – deyə qızların dostları yerli media orqanına bildiriblər.
Fatimənin altı il əvvəl Xarkov Universitetinin tibb fakültəsinə daxil olmaq üçün Azərbaycandan Ukraynaya gedib. Tammiqyaslı işğal başladıqdan sonra o, vətəninə qayıdıb, lakin təhsilini distant qaydada davam etdirdi.
İyun ayında o, xüsusi olaraq məzun mərasimi üçün Ukraynaya gəlib.
Şəhər meri İqor Terexovun sözlərinə görə, bazar ertəsi, 29 iyun tarixində təcavüzkar Rusiya dövlətinin qoşunları Xarkovun Xolodnoxrski rayonuna idarə olunan bombalar atıb, nəticədə bir nəfər ölüb, 12 nəfər yaralanıb. Xarkov Vilayət Prokurorluğunun rəhbəri Yuri Papuşanın sözlərinə görə, qurbanlardan birinin vəziyyəti ağırdır, partlayış yaraları və yanıqlar alıb.
