Dünyada koronavirusa yoluxanların ümumi sayı 9,8 milyon nəfəri ötdü ötüb.
“Report” xəbər verir ki, bu barədə Ümumdünya Səhiyyə Təşkilatı (ÜST) bildirib.
Son məlumatlara görə, dünyada ötən gün ərzində təhlükəli infeksiyadan 4 612 ölüm aşkar edilib. Beləliklə, koronavirusdan ölənlərin ümumi sayı 495 760 nəfər təşkil edir.
Son gün ərzində virusa yeni 189 077 yoluxma aşkarlanıb. Epidemiyanın başlanğıcından COVID-19-a yoluxanların sayı 9 843 073 nəfərə yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
