İtaliya Baş naziri Giorgia Meloni oktyabrın 17-də Avropa İttifaqı liderlərinin görüşündə Suriya ilə diplomatik əlaqələrin bərpası məsələsini qaldıracaq.
Azpost.info xəbər verir ki, bu barədə “Politico” mənbələrə istinadən məlumat yayıb.
Meloninin sözlərinə görə, Avstriya və Macarıstan da Dəməşqlə münasibətlərin normallaşmasının tərəfdarıdır.
Nəşr yazır ki, yaxınlaşma çağırışları Aİ-yə miqrasiya ilə bağlı vəziyyətin gərginləşməsi, bu sahədə hakimiyyətin fəaliyyətindən narazılığın artması və miqrasiyaya qarşı sərt siyasət aparan tərəflərə dəstəyin artması fonunda yaranıb.
“Aİ-nin Suriya ilə bağlı strategiyasını yenidən nəzərdən keçirmək və suriyalı qaçqınların könüllü və təhlükəsiz şəkildə evlərinə qayıtmasına imkan verəcək şərait yaratmaq üçün bütün oyunçularla işləmək lazımdır”, – Meloni deyib.
Adı açıqlanmayan Avropa rəsmilərinin “Politico”ya qeyd etdiyi kimi, Aİ-nin heç olmasa bu məsələni müzakirə etməyə başlamasının vaxtıdır. Təşəbbüsün uğur qazanacağını söyləmək hələ tez olsa belə.
Azpost.info
