Akademik Ramiz Mehdiyev AMEA-nın prezidenti seçildi –

Dövlət başçısı Sərəncamla təsdiqlədi
23 Oktyabr 2019 - 17:18

Prezident İlham Əliyev Ramiz Mehdiyevin Azərbaycan Milli Elmlər Akademiyasının prezidenti vəzifəsinə təsdiq edilməsi haqqında Sərəncam imzalayıb.

Azpost.info-nun məlumatına görə, Sərəncamda deyilir ki, Azərbaycan Milli Elmlər Akademiyasının ümumi yığıncağında Azərbaycan Milli Elmlər Akademiyasının prezidenti seçilmiş Ramiz Ənvər oğlu Mehdiyev bu vəzifəyə təsdiq edilsin.

Qeyd edək ki, bu gün AMEA-nın prezidenti vəzifəsinə seçkilər keçirilib.

Səsvermədə alternativsiz namizəd olan akademik Ramiz Mehdiyev növbəti müddətə AMEA-nın prezidenti seçilib. Akademik Akif Əlizadə AMEA-nın prezidenti vəzifəsinə akademik Ramiz Mehdiyevin namizədliyini təklif edib. (APA)