Bakı
Aprel ayı geomaqnit aktivliyinin artması ilə müşayiət olunacaq. Astronomlar və meteoroloqlar ay ərzində bir neçə güclü maqnit qasırğasının baş verəcəyini bildirirlər. Xüsusilə, bəzi günlərdə bu təsirin 5 ballıq şkala üzrə yüksək səviyyəyə çatacağı gözlənilir.
Yenisabah.az xəbər verir ki, mütəxəssislərin proqnozuna əsasən, aprel ayında aşağıdakı tarixlərdə maqnit qasırğalarının güclü təsiri müşahidə ediləcək:
Aprelin 5-də – G3 kateqoriyalı (orta güclü) maqnit qasırğası gözlənilir. Bu cür qasırğalar rabitə sistemlərinə, elektrik şəbəkələrinə təsir edə bilər və meteohəssas insanlarda narahatlıq yarada bilər.
Aprelin 8-10-da – 5 ballıq geomaqnit aktivliyi qeydə alınacaq. Bu, xüsusilə yaşlılar və xroniki xəstəliyi olanlar üçün risk yarada bilər.
Aprelin 21-22-də – 4 və 5 ballıq maqnit qasırğaları gözlənilir. Aprelin 22-si yenidən güclü maqnit fırtınası baş verəcək ki, bu da bəzi insanlarda yuxusuzluq və baş ağrısı kimi simptomlarla müşayiət oluna bilər.
Maqnit qasırğaları xüsusilə meteohəssas insanlar üçün müəyyən sağlamlıq problemlərinə səbəb ola bilər. Bu dövrdə bəzi insanlarda baş ağrısı, halsızlıq, yuxusuzluq, diqqət dağınıqlığı və qan təzyiqində dəyişikliklər müşahidə edilə bilər. Ürək-damar problemləri olan şəxslər üçün risk daha yüksək ola bilər.
Maqnit qasırğalarının təsirini azaltmaq üçün aşağıdakı tövsiyələrə əməl etmək məsləhət görülür:
Fiziki və emosional yüklənmədən qaçın.
Qidalanmaya diqqət yetirin – yağlı və duzlu qidalardan uzaq durun.
Yetərli miqdarda maye, xüsusilə bitki çayları qəbul edin.
Kifayət qədər istirahət edin, yuxu rejiminə əməl edin.
Açıq havada gəzintilər edin və stresdən uzaq durmağa çalışın.
Bu tədbirlər maqnit qasırğalarının mənfi təsirlərini minimuma endirməyə kömək edəcək. Xüsusilə, sağlamlıq problemləri olan şəxslər bu dövrdə özlərinə daha çox diqqət ayırmalıdırlar.
