“Atəşin dayandırılması ilə bağlı razılıq əldə olunub”

“Ermənistan ordusunun dünənki növbəti təxribatından sonra Azərbaycan Silahlı Qüvvələrinin ildırımsürətli cavab tədbirləri nəticəsində Laçın və Kəlbəcər istiqamətlərində düşmənin xeyli canlı qüvvəsi zərərsizləşdirilib”.

Bu barədə onlayn hərbi resurs olan “Caliber” teleqram kanalı məlumat yayıb.

Qeyd edilib ki, sərhədin müəyyən edilmiş hissəsində düşmənin hərbi infrastrukturu, o cümlədən sursat anbarları, hərbi hissələr və hava hücumundan müdafiə sistemləri sıradan çıxarılıb.

Məlumata görə, bu gün saat 9:00-dan başlayaraq tərəflər atəşin dayandırılması ilə bağlı razılıq əldə edib.

“Razılaşmaya düşmən tərəfinin necə riayət edəcəyini müşahidə edəcəyik”, – deyə məlumatda qeyd olunub.

Əvvəlki məqalə

“Ermənistan mətbuatının məlumatları böhtan xarakterli növbəti yalanlardır”

Sonrakı məqalə

XİN-dən Ermənistan silahlı qüvvələrinin təxribatı ilə bağlı