Azərbaycan avarçəkəni Avropa çempionu olub

Azərbaycan avarçəkəni Diana Dımçenko Polşanın Qdansk şəhərində keçirilən sahil avarçəkməsi və “beach sprint” üzrə Avropa çempionatında qızıl medal qazanıb.

Azərbaycan Kanoe və Avarçəkmə Federasiyasından verilən məlumata görə, milli komandanın lideri bir nəfərlik qayıqda təsnifat mərhələsində finişə birinci çataraq A finalında iştirak hüququ əldə edib.

Finalda 5-ci sırada mübarizə aparan idmançı İrlandiyadan olan Dukarska Monikanı və finlandiyalı Karpinen Eavanı geridə qoyaraq fəxri kürsünün birinci pilləsinə yüksəlib.

İki nəfərlik qayıqda Murad Sadıqov-Boqdan Qladçenko cütlüyü də A finalında mübarizə aparıb və yekunda 6-cı yeri tutub(azərtac).

Əvvəlki məqalə

Rayonlara yağış yağıb, şimşək çaxıb, dolu düşüb

Sonrakı məqalə

Güclü yağışdan sonra paytaxtın bəzi küçələrində kanalizasiyalar daşıb