Azərbaycan millisi növbəti oyununu keçirib.
Apasport.az saytının məlumatına görə, yığmamız Millətlər Liqasının 2022/23 mövsümündə ilk ev matçına çıxıb.
C liqasının 3-cü qrupunda çıxış edən Canni de Byazinin yetirmələri Slovakiyanı qəbul edib. Bu, komandamızın I dövrədə son sınağı olub.
Bunadək səfər oyunlarında Qazaxıstana 0:2 hesabı ilə uduzan və Belarusla qolsuz heç-heçə edən millimiz rəqibini “Dalğa Arena”da qonaq edib.
Oyunun əvvəlində slovakiyalılar daha fəal olsa da, görüşün böyük hissəsi qarşılıqlı hücumlarla keçib. Hər iki komanda qol imkanları yaratsa da, hesab matçın taleyi son dəqiqələrdə həll olunub. Qonaqlar Vladimir Vayssın qolu ilə 3 xal əldə edib. Bununla da I dövrəni qolsuz başa vuran millimiz üç oyunda yalnız 1 xal toplayıb.
Qeyd edək ki, iyunun 13-də IV turun matçına çıxacaq yığmamız evdə Belarusla görüşəcək.
C liqası, 3-cü qrup
⚽ 20:00. Azərbaycan – Slovakiya – 0:1
Qol: Vladimir Vayss, 81
Baş hakim: Donatas Rumsas (Litva)
Azərbaycan: 12. Şahruddin Məhəmmədəliyev, 3. Azər Salahlı, 4. Mustafazadə, 5. Maksim Medvedev (k), 6. Höccət Haqverdi, 8. Emin Mahmudov, 9. Renat Dadaşov, 11. Ramil Şeydayev, 14. Eddi İsrafilov, 18. Cəlal Hüseynov, 20. Riçard Almeyda
Ehtiyat oyunçular: 1. Emil Balayev, 23. Səlahət Ağayev, 2. Qara Qarayev, 7. Namik Ələskərov, 10. Mahir Emreli, 13. Abbas Hüseynov, 15. Bədavi Hüseynov, 16. Dmitri Nazarov, 17. Coşqun Diniyev, 19. Anton Krivotsyuk, 21. Anatoli Nuriyev, 22. Aleksey İsayev
Baş məşqçi: Canni de Byazi
Slovakiya: 1. Marek Rodak, 2. Petar Pekarik (k), 3. Vernon De Marko, 4. Martin Valyent, 5. Lübomir Şatka, 6. David Strelets, 10. Albert Rusnak, 11. Tomas Suslov, 13. Patrik Hroşovski, 17. Lukas Haraslin, 22. Stanislav Lobotka
Ehtiyat oyunçular: 12. Frantişek Plaç, 23. Dominik Takaç, 7. Vladimir Vayss, 8. Ondrey Duda, 9. Kristian Herç, 14. İvan Mesik, 15. Martin Reqali, 16. Martin Koselnik, 18. İvan Şrans, 19. Yuray Çvatal, 20. Ladislav Almasi, 21. Matuş Bero
Baş məşqçi: Samuel Slovak
| 1 | Qazaxıstan | 2 | 2 | 0 | 0 | 3-0 | 6 |
| 2 | Slovakiya | 3 | 2 | 0 | 1 | 2-1 | 6 |
| 3 | Belarus | 2 | 0 | 1 | 1 | 0-1 | 1 |
| 4 | Azərbaycan | 3 | 0 | 1 | 2 | 0-3 | 1 |
ApaSport
