Azərbaycan və Ermənistan XİN başçılarının dünənki görüşləri konstruktiv keçib.
Azpost.info bildirir ki, bu barədə brifinqdə ABŞ Dövlət Departamentinin nümayəndəsi Vedant Patel deyib.
“Biz sülh danışıqlarının davam etdirilməsini təmin etmək üçün bu müzakirələri davam etdiririk. Qrafikdə heç bir dəyişiklik yoxdur. Bu istiqamətdə işimizi davam etdirəcəyik”-deyə Patel vurğulayıb.
Onun sözlərinə görə, bu tərəflərin xarici işlər nazirləri ilə birbaşa iştirak etməyə davam edəcəyimiz bir prosesdir. “Bildiyiniz kimi, dövlət katibinin dünən onlarla ikitərəfli və üçtərəfli formatda görüşmək imkanı olub. Biz bu sülh danışıqlarının davam edəcəyini gözləyirik”, – Dövlət Departamentinin sözçüsü bildirib.
Danışıqlar ətrafında təfərrüatları açıqlamaqdan imtina edən Patel ABŞ-ın prosesdəki rolunun vacibliyini qeyd edib. “Bu, keçən dəfə həyata keçirilən prosesdir, bu ilin əvvəlində danışıqlar aparılıb.
O, həmçinin bildirib ki, danışıqlar qrafikdə heç bir dəyişiklik edilmədən planlaşdırıldığı kimi gedir.
“Son hadisələr davamlı sülhün bərqərar edilməsi zərurətini vurğulayır. Birləşmiş Ştatlar bu məqsədə çatmaqda tərəflərə kömək etmək öhdəliyi götürür. Dövlət katibi Entoni Blinken sülh prosesində birbaşa iştirak edir. Birbaşa dialoq problemlərin həlli və uzunmüddətli nizamlanmanın açarıdır”, – Patel bildirib.
