Aprelin 10-da futbol üzrə İspaniya La Liqasının 31-ci turunun daha bir oyunu keçirilib.
İkinci pillədə qərarlaşan “Barselona” səfərdə autsayder “Levante” komandasının qonağı olub.
Görüş qonaqların 2:3 hesablı qələbəsi ilə başa çatıb.
Kataloniya təmsilçisinin heyətində Pyer Emerik Obemeyanq (59), Pedri (63), Lyuk de Yonq (90+2), meydan sahiblərinin heyətində isə Jose Luis Morales (52) və Qonzalo Melero (83) fərqləniblər.
Qeyd edək ki, “Levante” 56-ci dəqiqədə penalti zərbəsini dəqiq yerinə yetirə bilməyib.
Bu qələbədən sonra xallarını 60-a çatdıran “Barselona” 2-ci pilləyə yüksəlib. “Levante” isə 22 xalla La Liqada qalmaq (19-cu yer) uğrunda mübarizə aparır.
