Bayram günləri karantin qaydalarını pozanlara qarşı tədbirlər görüləcək –

DİN-dən xəbərdarlıq
30 Dekabr 2020 - 18:15

“Bayram günləri ərəfəsində həm də koronavirus pandemiyasının doğurduğu ciddi təhlükəni bir an belə unutmamağa, virusa yoluxma riskinin dəfələrlə artımına səbəb olan toplaşmalardan çəkinməyə, özünütəcrid qaydalarına riayət etməyə çağırırıq”.

Bu barədə Daxili İşlər Nazirliyindən bildirilib.

Qeyd olunub ki, kütləvi halda toplaşmaq və ya yürüş etmək kimi qanunazidd hallara da qəti yol verilməməlidir: “Əks təqdirdə, həmçinin sərtləşdirilmiş xüsusi karantin rejimi ilə əlaqədar müəyyən edilmiş məhdudiyyətlərin pozulmasına görə hüquqi məsuliyyət tədbirləri görüləcəkdir”.