“Təəssüf ki, qonşu ölkələrlə bağlı yaranmış bir sıra problemlər vaxtında lazımi tədbirlərin görülməməsi üzündən mürəkkəbləşib. Biz bu problemləri həll etməyə, bunların bir daha təkrarlanmamasında qərarlıyıq”.
Azpost.info İRNA-ya istinadən bildirir ki, bu sözləri İran prezidenti İbrahim Rəisi bu gün Türkmənistanda işləyən biznesmenlərlə və vətəndaşlarla görüşü zamanı deyib.
İran prezidenti bildirib ki, region ölkələri ilə münasibətlərin inkişafında ciddi və xüsusi problemlər yoxdur. “Mövcud problemlərin qarşılıqlı anlaşma ilə həlli ilə əməkdaşlığın möhkəmlənməsində effektiv addımlar atmaq olar”.
