Çinin qlobal avtomobil bazarına təsiri getdikcə artır.
Çin Xalq Respublikasının Azərbaycandakı Səfirliyindən Azpost.info saytına daxil olan məlumata görə, Çin Baş Gömrük İdarəsinin statistikasına əsasən, bu ilin yanvar-avqust aylarında Çinin avtomobil ixracı illik müqayisədə 44,5 fazi artaraq 1,91 milyona çatıb və Almaniyanı geridə qoyaraq Yaponiyadan sonra ikinci yerə yüksəlib.
Çin Avtomobil İstehsalçıları Assosiasiyasının məlumatına görə, bu ilin avqust ayında Çin 308 min avtomobil ixrac edib ki, bu da illik müqayisədə 65 faiz artıb. İxracın sayı tarixdə ilk dəfə olaraq 300 mini keçib. Sentyabr ayında Çinin avtomobil ixracı əvvəlki illə müqayisədə 73.9 faiz artaraq 301 min ədəd olub, iki ay ardıcıl olaraq 300 mini ədədi keçərək güclü artım tendensiyasını qoruyub.
Çində yeni enerji daşıyıcılarının satışındakı artım ümumi ixrac səviyyəsinin artımını şərtləndirən mühüm amildir. Çin Sərnişin Nəqliyyatı Assosiasiyasının məlumatlarına görə, Çinin yeni enerji daşıyıcısı ixracatı 2020 və 2021-ci illərdə müvafiq olaraq 223 min və 588 min ədəd olub. Bu ilin yanvar-avqust ayları ərzində bu, illik müqayisədə 8 dəfə çox artımla 517 min ədədə çatıb. Yeni enerji vasitələrinin ortaya çıxması Çin avtomobillərinin tədricən keçmişin aşağı qiymət etiketini tədricən qırmağa sövq edib. Orta ixrac qiyməti 2018-ci ildəki 12,900 ABŞ dollarından 2022-ci ildə 16,400 ABŞ dollarına yüksəlib, avqust ayında 18,900 ABŞ dolları olub.
Çin Baş Gömrük İdarəsinin statistikasına görə, ABŞ, Meksika, Yaponiya, Belçika, Böyük Britaniya, Rusiya, Almaniya, Cənubi Koreya, Avstraliya və Səudiyyə Ərəbistanı Çinin avtomobil ixracatında ilk on ölkədir. Ümumi ixrac dəyəri 460,7 milyard ABŞ dolları olmaqla, Çinin ümumi avtomobil ixracının 46 faizini təşkil edir. Onların arasında Meksika, Belçika və Səudiyyə Ərəbistanında daha aydın artım templəri var. Çinli avtomobil istehsalçılarının xarici bazarlara dərindən genişlənməsi ilə Çinin avtomobil ixracının gələcəkdə də artmağa davam edəcəyi gözlənilir.
Azpost.info
