Dağüstü parkda özünü hündürlükdən atan qız təcili tibbi yardım maşını ilə Kliniki Tibbi Mərkəzə gətirilib.
Mərkəzin Mətbuat xidmətindən APA-ya verilən xəbərə görə, 1999-cu il təvəllüdlü gənc qız 11.04.2022-ci il saat 11:15-də təcili olaraq KTM-in Reanimasiya şöbəsinə yerləşdirilib:
“Qızın müayinələri aparılıb. Ona sağ bazu sümüyünün orta üçdə birinin yerdəyişən, sol bud sümüyünün aşağı üçdə birinin sınığı və bədənin müxtəlif nahiyələrində küt travmanın olması diaqnozu qoyulub. Qızın huşu hazırda aydındır, vəziyyəti isə ağır-stabil olaraq qalır” – məlumatda deyilib.
