Həndbol üzrə respublika çempionatında ikinci turun oyunları keçirilib.
Azərbaycan Həndbol Federasiyasından bildiriblər ki, qadınlardan ibarət komandalar iki, kişi həndbolçular isə üç dəfə meydana çıxmaqla ümumilikdə beş oyun keçiriblər.
Turun birinci görüşündə “Təhsil” komandası ilə üz-üzə gələn “Bakı” klubu 33:29 hesabı ilə qələbə qazanıb. Digər qarşılaşmalarda “Azəryol” komandası “Qarabağ”ı 32:22, U-18 İdman Akademiyası komandası isə “Gənclər Birliyi”ni 43:18 hesabı ilə məğlub edib. “Azərsu” ilə “İdman Akademiyası” arasında keçirilmiş oyunda isə heç-heçə qeydə alınıb – 24:24. Çempionatın gərgin keçən sonuncu matçında U-16 komandası “Məhsul”a 33:29 hesabı ilə qalib gəlib.
Ölkə çempionatının iştirakçılarına toplar hədiyyə olunub.
Üçüncü tur çərçivəsində kişilərin yarışında “Bakı” – U-16, “Məhsul” – U18 İdman Akademiyası, “Təhsil” – “Gənclər Birliyi” qarşılaşmaları keçiriləcək.
