Helikopter qəzasından sağ çıxan yaralı hərbçilər danışdı –"Külək də elə çox deyildi” (FOTO)

DSX-nin qəzaya uğramış helikopterindən sağ çıxan hərbçilər xəstəxanada açıqlama verib. 

Onlar “REAL TV”yə danışıb.

Hadisənin canlı şahidi olanlardan biri – polkovnik-leytenant Emil Cəfərov bunları deyib: “Qəza enişin yerinə yetirilməsi zamanı baş verdi. Helikopter yerə çırpılanda ikimizi də bayıra atdı. Başqa heç nə yadımda deyil. Heç bir məhdudiyyət aşılmamışdı. Helikopterin desant daşıma sayı 24 nəfərdir. Məndə ayağımda əzikdir. Sərnişin kabinəsinin girişinin yanında idim. Heç bir şübhəli məqam yox idi.

Helikopterlərin hər ikisi təzədir. Hər bir şeyi yoxlanılmışdı. Qəza anı mənim üçün saniyələr idi. Küləklə bağlı heç bir məhdudiyyət aşılmamışdı. Proqnoza görə külək günortadan sonra olmalı idi”.

Emil Cəfərov, həmçinin helikopterin pilotu polkovnik Fizuli Cavadov haqqında da danışıb. O qeyd edib ki, F. Cavadov birinci dərəcəli pilot idi: “Bu insan hər birimiz üçün canlı əfsanə idi, təcrübəli idi. İşğaldan azad edilmiş ərazilərdə daim döyüş tapşırıqlarını yerinə yetirirdi. Uçuş icazələrinə görə hər ikisi ən yüksəkdə idi.

“Mİ-17” dünyada ən universal helikopterlərdən biridir. Bunlardan II Qarabağ müharibəsində də istifadə olunub. Döyüşlərdə iştirak ediblər. Təlim poliqonuna gələndən sonra hamı öz yerini tuturdu. Ondan sonra döyüş atışlarına başlayırdılar. Biz təlim zonasına gəlirdik ki, qəza baş verdi”.

Digər yaralı – kapitan Ramil Ədilov bildirib ki, enişə gələndə birdən-birə idarəetmə itirilib: “Hündürdən sürətlə yerə çırpıldıq. Qəza anı saniyələr idi. Mən qışqırdım və bir də ayıldım ki, buradayam. Heç bir kənar müdaxilə olmayıb. Külək də elə çox deyildi”.

 

 

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Helikoper qəzasında həlak olan hərbçilərlə vida mərasimi saat 12-də keçiriləcək

Sonrakı məqalə

Qəzada həlak olan hərbçilərimizin nəşləri vida mərasiminə gətirilir –