İki deputat seçkilərə qatılmaqdan vaz keçdi –FOTO

Beşinci çağırış Milli Məclisin daha iki bitərəf deputatı 2020-ci il fevralın 9-da keçiriləcək növbədənkənar parlament seçkilərinə qatılmaq fikrindən vaz keçib.

93 saylı Bərdə şəhər seçki dairəsindən Modern.az-a verilən məlumata görə, bir nəfərin namizədliyi qeydə alınıb: “Hazırda həmin dairədən 9 nəfər namizədliyini irəli sürüb. Onlardan bir nəfərin namizədliyi qeydə alınıb. O da Baxşəliyev Ərəstun Əli oğludur”.

Dairədən o da bildirilib ki, namizədliyini irəli sürənlər arasında beşinci çağırış Milli Məclisin deputatı olan Gövhər Baxşəliyevanın adı yoxdur: “Gövhər Baxşəliyeva hələ ki, namizədliyini irəli sürməyib”.

59 saylı Salyan seçki dairəsindən də saytımıza bildirilib ki, beşinci çağırış Milli Məclisin deputatı olan Əliağa Hüseynov namizədliyini irəli sürənlər arasında deyil: “Əliağa Hüseynov budəfəki seçkilərdə iştirak etmir”.

Qeyd edək ki, bundan öncəki seçkilərdə Gövhər Baxşəliyeva 93 saylı Bərdə şəhər seçki dairəsindən, Əliağa Hüseynov isə 59 saylı Salyan seçki dairəsindən deputat seçilmişdilər.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Zəngəzur Milli Parkında iki bala bəbirin görüntüləri qeydə alındı –

Sonrakı məqalə

Təhsildə Keyfiyyət Təminatı Agentliyi yaradıldı –