İri sahibkarlıq subyektlərinin əksəriyyəti Bakıda fəaliyyət göstərir

Bu ilin ilk rübünün yekununda Azərbaycanda 782 iri sahibkarlıq subyekti mövcud olub.

Azpost.info bildirir ki, açıqlanan rəsmi məlumatlarda qeyd olunur ki, iri sahibkarlıq subyektlərinin 78,8%-i və ya 616-sı Bakı şəhərinin payına düşüb.

Məlumat üçün bildirək ki, ölkədə mövcud olan orta sahibkalıq subyektlərinin 65,8%-i və ya 2 min 363-ü, kiçik sahibkarlıq subyektlərinin 69,8%-i və ya 6 min 782-si, mikro sahibkarlıq subyektlərinin isə 68,3%-i və ya 115 min 842-si paytaxt Bakıda qeydiyyata alınıb.

Onu da qeyd edək ki, sahibkalıq subyektlərindən fərqli olaraq fərdi sahibkarların daha az hissəsi –  26,6%-i və ya 356 min 500-ü Bakının payına düşüb.
Qeyd edək ki, Nazirlər Kabinetinin “Mikro, kiçik, orta və iri sahibkarlıq subyektlərinin bölgüsü meyarları”nı görə illik gəliri 200 min manata qədər olan və maksimum 10 işçiyə sahib olanlar mikro sahibkar, illik gəliri 200 min manatdan 3 milyon manata kimi və 11-50 işçiyə sahib olanlar kiçik sahibkar, illik gəliri 3 milyon manatdan 30 milyon manata kimi və 51-250 işçiyə sahib olanlar orta sahibkar, illik gəliri 30 milyondan çox və 250-dən çox işçiyə sahib olanlar isə iri sahibkar hesab olunur.

Əvvəlki məqalə

“İsrail “Hizbullah”a qarşı quru əməliyyatına hazırlaşır”

Sonrakı məqalə

Azərbaycanı Paris Olimpiadasında təmsil edəcək cüdoçular bəlli olub