Müsavat Partiyasının sabiq başqanı İsa Qəmbər 40 il əvvəl bitirdiyi Sergey Mironoviç Kirov adına Azərbaycan Dövlət Universitetinin diplomunun fotosunu paylaşıb.
Azpost.info bildirir ki, İsa Qəmbər 2020-ci ilin fevralında keçiriləcək parlament seçkilərində iştirakla bağlı hazırlaşdığını yazıb: “Seçkiyə hazırlıqla bağlı sənədlərimə baxırdım. Yadıma düşdü ki, bu il (2019) yalnız Bakı Dövlət Universitetinin yaradılmasının (1919) 100-cü ildönümü deyil, həm də mənim bu universiteti bitirməyimin (1979) 40-cı ildönümüdür. M. Ə. Rəsulzadə adına BDU bizimdir, bizim olacaq!”.
Sənəddə İsa Qəmbərin BDU-nu 1979-cu ildə Fərqlənmə diplomu ilə bitirdiyi qeyd olunub.
