Kiyevə raket hücumu olub, xəsarət alanlar var

Kiyevdə Obolon rayonuna Rusiyaya məxsus raketin qalıqlarının düşməsi nəticəsində azı 5 nəfər xəsarət alıb.

Bu barədə Kiyev şəhər meri Viralio Kliçko məlumat verib.

Raket qalıqları Obolon bölgəsində çoxmərtəbəli binaya ziyan vurub. Kliçko bildirib ki, zədələnmiş evdən 10 sakin təxliyə edilib.

“Hazırda beş zərərçəkən həkimə müraciət edib, onların hamısı stressə qarşı kəskin reaksiya ilə xəstəxanaya yerləşdirilib, digərlərinə isə yerindəcə yardım göstərilir”, – deyə Kliçko əlavə edib.

Qeyd edək ki, iyunun 30-da axşam saatlarında Kiyev və şimal rayonlarında hava hücumu xəbərdarlığı elan edilib. Bundan sonra Hərbi Hava Qüvvələri Kiyevə doğru uçmaq ehtimalı olan qanadlı raketlə bağlı xəbərdarlıq edib.

Əvvəlki məqalə

Şəhərətrafı marşrut avtobuslarında yeni qiymətlər müyyən olunub

Sonrakı məqalə

İspaniya Gürcüstanı darmadağın edərərk ¼ finala çıxıb