Komanda yoldaşları argentinalı hücumçu Lionel Messi ilə danışmaq üçün ispan dilini öyrənirlər.
Azpost.info “Infobae” portalına istinadən bildirir ki, bu barədə “İnter Mayami”nin yarımmüdafiəçisi Edison Azkona bildirib.
“Mən Leo-nun ingiliscə danışdığını eşitməmişəm… Hərdən içəri girəndə “sabahınız xeyir” deyir. İngiliscə danışan və ispan dilini bilməyənlər bu dildə danışmağı, ispanca danışmağı öyrənirlər”, -deyə Azkona vurğulayıb.
36 yaşlı argentinalı PSJ ilə müqaviləsi başa çatan yay transfer pəncərəsində “İnter Mayami”yə keçib. Messi komandanın heyətində 14 oyun keçirib, 11 qol vurub və 5 məhsuldar ötürmə verib.
Hücumçunun “İnter Mayami” ilə müqaviləsi 2025-ci ilin dekabrına qədərdir.
Azpost.info
