Məhkəmə bəstəkar Cabbar Musayevin şikayəti üzrə qərar verdi –Müğənni islah işlərinə cəlb olundu

Müğənni Dəniz Əsədova barəsində xüsusi ittiham qaydasında olan şikayətə baxılıb.

Binəqədi rayon Məhkəməsində hakim Mahirə Kərimovanın sədrliyi ilə keçirilən prosesdə hökm oxunub.

Hökmə əsasən, Dəniz Əsədova Cinayət Məcəlləsinin 147.1 (böhtan) və 148-ci (təhqir) maddələrində nəzərdə tutulmuş cinayət əməlini törətməkdə təqsirli bilinib, ona aylıq qazancından dövlət nəfinə 20% məbləğində pul tutulmaqla 6 ay müddətə islah işləri cəzası təyin edilib.

Qeyd edək ki, Dəniz Əsədovadan bəstəkar-müğənni Cabbar Musayev xüsusi ittiham qaydasında şikayət edib. C.Musayev müğənnini onu təhqir etdiyi və böhtan atdığını bildirərək məhkəməyə verib. (APA)

Əvvəlki məqalə

Rusiyada çalışan azərbaycanlıların pensiya hüququ tanınacaq

Sonrakı məqalə

ABŞ Ukraynaya hərbi yardım üçün nəzarət mərkəzi yaradır