“Mənim səsim” Seşki Monitorinq Koalisiyası ATƏT təmsilçilərilə görüşüb

Yanvar ayının 15–də “Mənim səsim” Seşki Monitorinq Kaolisiyası ATƏT- in 7 fevral prezident seçkisində Bakı şəhəri üçrə Seçkiləri Müşahidə Qrupunun üzvlərilə görüşüblər.

Monitorinq Koalisiyasının ofisində 3 saatdan artıq davam edən görüşə Kaolisiyanın təsiscilərindən Novella Cəfəroğlu, Səadət Bənənyarlı, ekspertlər – sosioloq Əhməd Qəşəmoğlu, politoloq Adəm İsmayıl, bir qrup könüllü müşahidəci qatılıb.

Koalisiyanın üzvləri ATƏT təmsilçilərinə layihəninin məqsədi haqqında geniş bilgi veriblər. Onların diqqətinə çatdırılıb ki, müşahidəcilər sırasına ölkənin xeyli tanınmış ziyalısı, alimi, tələbələr, eyni zamanda magistr və doktorantlar cəlb olunub.

Novella Cəfəroğlu bildirib ki, Seçki Monitorinq Koalisiyasının əsas məqsədi seçki prosesi ilə bağlı tam tərəfsiz, obyektiv müşahidənin həyata keçirilməsidir:“Biz baş verən prosesləri dərindən, elmi metodlarla təhlil etmək, ölkəmizdə və beynəlxalq aləmdə seçkilər ətrafında müxtəlif siyasi maraqlara uyğun yayılan və çox zaman obyektiv olmayan informasiyaların qarşılığında real mənzərəyə tam adekvat hazırlamaq və yanlış təsəvvürlərin qarşısını almaqdır”.

Daha sonra Səadət Bənənyarlı ATƏT nümayəndələrinə həyata keçiriləcək layihənin bütün dütalları, mexanizmləri barədə ətraflı məlumat verib. Onun sözlərinə görə, 7 fevralda keçiriləcək seçkinin müşahidəsi üçün seçki ənənəsi olan ölkələrin tətbiq etdiyi metodlardan istifadə olunacaq: “Seçkidən sonra da layihə davam etdiriləcək, toplanmış zəngin məlumatlar əsasında Azərbaycanda seçki mədəniyyətinin, seçki təcrübəsinin daha da təkmilləşməsi üçün elmi əsaslarla tövsiyyələr hazırlanacaq”.

​ATƏT təmsilçiləri fikir mübadiləsi zamanı həm seçki prosesi, həm ölkədəki ictimai-siyasi vəziyyət, QHT-lərin fəaliyyətləri, qadın hüquqları, qadınların bu seçkidə namizəd olaraq iştirak etməməsinin səbəbləri və digər ictimai-siyasi xarakterli suallar səsləndiriblər. Suallar koalisiya üzvləri tərəfindən ətraflı cavablandırılıb.

Əvvəlki məqalə

Dövlət Neft Fondunun aktivləri 7 milyard dollar artıb

Sonrakı məqalə

Prezident Lənkəranda Heydər Əliyevin abidəsini ziyarət edib