Sasseks hersoginyası Meqan Markl Avstraliyaya səfəri çərçivəsində verdiyi bəyanatla həm Britaniya kral ailəsini, həm də dünya ictimaiyyətini şoka salıb. O, rəsmi olaraq kral titulundan istifadəni dayandırdığını elan edib.
AzPost xəbər verir ki, bu qərar Kanberra şəhərində keçirilən xeyriyyə tədbiri zamanı açıqlanıb. Meqan vurğulayıb ki, artıq heç bir rəsmi titul daşımaq istəmir və özünü yalnız “Meqan” kimi təqdim etməyə üstünlük verir.
O, bu addımını şəxsi azadlığına və sadə həyata verdiyi önəmlə izah edib. Sasseks hersoqu şahzadə Harrinin bu qərara münasibəti barədə hələlik ətraflı məlumat verilmir, lakin onun həyat yoldaşının seçimini dəstəklədiyi bildirilir.
Ekspertlər bu hadisənin Bukingem sarayı ilə onsuz da gərgin olan münasibətləri daha da kəskinləşdirəcəyini proqnozlaşdırırlar. Saray hələlik rəsmi bəyanat yaymayıb.
