İngiltərədən olan bir xəzinə ovçusu ölkədə indiyə qədər tapılmış ən böyük qızıl külçəsini tapıb.
Azpost.info “Business Insider”ə istinadən bildirir ki, tapılan qızıl külçəsi 30 min funt sterlinq (təxminən 38 min dollar) dəyərindədir.
Riçard Brok nasaz detektordan istifadə etməsinə baxmayaraq, İngiltərədəki Şropşir təpələrində 64,8 qramlıq qızıl külçə aşkar edib. Bu, hobbi kimi metal detektorlarla axtarışla məşğul olanlar tərəfindən son illərdə aşkar edilən ən son maraqlı tapıntıdır.
Ekspedisiyaya qatılmaq üçün evindən üç saat yarım yol gedən Brok aşkarlama dəsti düzgün işləmədiyi üçün köhnə nasaz cihazdan istifadə edib. Bununla belə, avadanlığı quraşdırdıqdan bir neçə dəqiqə sonra o, “Hironun külçəsi” ləqəbli böyük bir qızıl külçəsini tapıb.
Bu, İngiltərədə tapılan ən böyük külçədir. Əvvəlki ən böyük tapıntının çəkisi 54 qram olub.
