“NATO ölkələrinin hər qarışını müdafiə etməyə hazırıq”- ŞOLTS

Almaniya Rusiyaya NATO-ya üzv ölkələrin hər qarışını müdafiə etməyə hazır olduğunu nümayiş etdirmək üçün Baltikyanı ölkələrə əlavə hərbi birləşmələr yerləşdirəcək.

Azpost.info xəbər verir ki, bunu Almaniya kansleri Olaf Şolts bildirib.

Kansler NATO-nun Baltikyanı ölkələrdə mövcudluğunda Almaniyanın əsas rol oynadığını deyib.

“Rusiya təhlükəsi qaldığı üçün biz və digər müttəfiqlərimiz Baltikyanı ölkələrə əlavə bölmələr və gələcəkdə daimi əsasda bütöv bir briqada göndərmək qərarına gəldik”, – Şolts bildirib.

Bu, NATO-nun Rusiya sərhədləri yaxınlığında mövcudluğunu genişləndirmək planları ilə bağlı ilk məlumat deyil. Belə ki, ötən ilin yayında “The New York Times” məlumatlı mənbələrə istinadən xəbər vermişdi ki, hərbi bloka daxil olan ölkələr alyansın şərq cinahında öz mövcudluğunu artıraraq 40 min əsgərə çatdırmağa hazırlaşır.

Azpost.info

Əvvəlki məqalə

Həftəsonu Şamaxıda Hava Şarları Festivalı keçiriləcək

Sonrakı məqalə

“Ermənistan sülh sazişinin tezliklə reallığa çevrilməsi üçün hər şeyi edir”