Həbsdə olan azərbaycanlı iş adamı Nazim Bəydəmirli prezident İlham Əliyevə müraciət edərək barəsində olan cinayət işinə xitam verilməsini xahiş edib.
Hazırda Azərbaycan Cinayət Məcəlləsinin 182.2.4-cü maddəsi ilə hədə-qorxu ilə tələb etməkdə təqsirli bilinərək saxlanılan Bədəmirli ona qarşı işin uydurma olduğunu və heç bir hüquqi əsası olmadığını iddia edir.
N.Bəydəmirli prezident İlham Əliyevə müraciətində bildirib ki, “Söyüllü hadisələri” zamanı müsahibələrdə Bəydəmirli öz təsir imkanlarından istifadə edərək yerli sakinləri sakit olmağa və hüquq-mühafizə orqanları ilə münaqişələrdən qaçmağa çağırıb.
Bədəmirli deyib ki, Dövlət Komissiyası ilə əməkdaşlıq etməyə çalışıb. O, çıxışlarının dövlətin, xalqın mənafeyinə uyğun olduğunu vurğulayıb.
Nazim Bəydəmirli prezident Əliyevə fevralın 7-də keçiriləcək seçkilərdə uğurlar arzulayıb. O, ictimai fəaliyyəti dövründə Azərbaycan dövlətinin müdafiəsinə sadiqliyini vurğulayıb. (Turan)
