“Əmək pensiyaları haqqında” Qanuna dəyişikliklər nəticəsində pensiyanın bir növündən başqa növünə keçid elektron qaydada təmin ediləcək və bu da ildə 6-7 min vətəndaşı əhatə edəcək.
Bu fikirləri əmək və əhalinin sosial müdafiəsi naziri Sahil Babayev Milli Məclisin Əmək və sosial siyasət komitəsinin mayın 22-də keçirilən iclasında “Əmək pensiyaları haqqında” Qanuna dəyişiklərlə bağlı qanun layihəsinin müzakirəsi zamanı səsləndirib.
Dəyişikliyin 4 qrup düzəliş üzərində qurulduğunu qeyd edən nazir bildirib ki, yeni qanun layihəsi sosial ədalət prinsipinin qorunması və vətəndaşların rifah halının yaxşılaşdırılmasını nəzərdə tutur.
