Avstriyanın Krems Özəl Dunay Universitetinin tədqiqatçıları müəyyən ediblər ki, plastik butulkalardan içmək qan təzyiqinin artmasına səbəb ola bilər.
Azpost.info bildirir ki, bu barədə Bild yazır.
Bir neçə il əvvəl elm adamları sübut etdilər ki, plastik şüşələrdən içməklə hər həftə insanın qanına təxminən beş qram mikroplastik daxil olur. Avstriyada aparılan pilot araşdırma nəticəsində məlum olub ki, bu qədər miqdarda plastik qan təzyiqinə təsir edə bilər. Plastik şüşələrdən içməyən subyektlərin qan təzyiqi cəmi iki həftədən sonra aşağı düşüb.
Tədqiqat qrupunun rəhbəri professor Maja Henjakovic dryib: “Tədqiqatın nəticələri ilk dəfə olaraq plastikdən istifadənin azaldılmasının qan təzyiqini aşağı sala biləcəyini göstərir. Ehtimal ki, qan dövranında mikroplastik hissəciklərin sayının azalır”.
Tədqiqatçılar belə qənaətə gəliblər ki, ən yaxşısı plastik butulkalarda qablaşdırılan içkilərdən çəkinməkdir. Ürək-damar xəstəlikləri riskini şüşə və ya metal butulkalardan istifadə etməklə azaltmaq olar.
