Pomidor
Barselona Biotexnologiya İnstitutunun aparıcı tədqiqatçısı Dr. Lucia Serrano İspaniyanın bəzi regionlarında yetişdirilən pomidorların genetik quruluşunda dəyişiklik müşahidə edildiyini açıqlayıb.
AzPost xəbər verir ki, o bildirib ki, bu dəyişikliklər əsasən pestisidlərin intensiv istifadəsi və iqlim dəyişikliyinin təsiri ilə bağlıdır. Dr. Serrano əlavə edib ki, analizlər nəticəsində bəzi növlərdə likopen və C vitamini miqdarının azaldığı aşkar edilib.
Tədqiqatçılar qeyd edir ki, bu dəyişikliklər məhsulun dadına və qida dəyərinə birbaşa təsir göstərir. Onun sözlərinə görə, genetik dəyişikliklər təbii seleksiya yolu ilə deyil, ətraf mühitin təzyiqi ilə yaranıb. Mütəxəssis vurğulayıb ki, bu tendensiya davam edərsə, bir çox yerli pomidor növü tədricən yox ola bilər. Araşdırma nəticələri “Food Chemistry” jurnalında yayımlanıb.
Dr. Serrano deyib ki, bu, yalnız İspaniya deyil, Aralıq dənizi regionunun digər ölkələri üçün də təhlükə yarada bilər. O əlavə edib ki, bu dəyişikliklər yalnız kənd təsərrüfatına deyil, ictimai sağlamlığa da təsir edir. Çünki antioksidantların azalması xərçəng və ürək xəstəlikləri riskini artırır. Tədqiqatçılar kənd təsərrüfatı siyasətçilərini bu barədə tədbir görməyə çağırır.
Onların təklifi ekoloji pestisidlərə keçid və yerli toxumların qorunmasıdır. Dr. Serrano bildirib ki, bazarda genetik modifikasiya olunmuş məhsulların etik və sağlamlıq riski ciddi şəkildə araşdırılmalıdır. O, istehlakçılara məsləhət görür ki, üzərində mənşəyi göstərilən məhsullara üstünlük versinlər. İspaniyada bu məsələ ilə bağlı ictimai müzakirələr də artıq başlayıb.
