Rusiyanın xarici işlər naziri Sergey Lavrov bildirib ki, Rusiya və Türkiyənin Dağlıq Qarabağ münaqişəsinin həlli ilə bağlı fərqli yanaşmaları olub, lakin nəticə etibarilə ortaq məxrəcə gələ biliblər.
O xatırladıb ki, münaqişənin başlanğıcında Ankarada onun hərbi yolla həllinin mümkün olduğunun bildirildiyi vaxt Rusiya tərəfi Türkiyənin fəaliyyəti ilə razılaşmayıb.
“Amma indi prezident Putin və onun həmkarları – Azərbaycan və Ermənistan liderlərinin səyləri sayəsində razılaşma əldə olunub”, – deyə Lavrov bu gün videoformatda keçirilən “Aralıq dənizi: Roma dialoqu” adlı beynəlxalq konfransda çıxışı zamanı bildirib.
O vurğulayıb ki, Rusiya və Türkiyə Dağlıq Qarabağ ətrafındakı vəziyyətdə olduğu kimi ortaq məxrəcə gəlmək üçün təmas nöqtələri və yollar tapırlar. (İnterfax)