Qərb ölkələri Rusiyanın dondurulmuş ehtiyatlarını müsadirə etməli və onlardan təkcə Ukraynaya deyil, həm də inkişaf etməkdə olan ölkələrə kömək üçün istifadə etməlidir.
Azpost.info xəbər verir ki, bunu, Dünya Bankının keçmiş rəhbəri Robert Zoellik bildirib.
Onun sözlərinə görə, bu vəsait anti-Rusiya sanksiyalarından zərər çəkən şirkətlərə kompensasiya üçün də istifadə edilməlidir.
Zoellik hesab edir ki, bu məsələdə şübhəsi olan Qərb ölkələri riskləri şişirdir və belə bir addımın strateji faydalarını az qiymətləndirirlər. Buna qarşı bir arqument ondan ibarətdir ki, digər ölkələr bundan sonra ehtiyatlarını Qərb yurisdiksiyalarında saxlamaqdan çəkinəcəklər, lakin Zoellikin fikrincə, G7 ölkələri və Aİ birgə hərəkət edərsə, pul saxlamaq üçün alternativ olmayacaq.
O, həmçinin qeyd edib ki, G7 ölkələri test edərək iki il ərzində Rusiyanın ehtiyatlarını dondurdular, lakin bununla dağıdıcı və ya çəkindirici təsir yaratmadılar.
Dünya Bankının keçmiş rəhbəri ehtiyatların Kiyevə köçürülməsini ukraynalılara mənəvi dəstək adlandırıb və bunun ölkənin müqavimət imkanlarını artıracağını deyib. Onun fikrincə, bu, Rusiyaya Ukraynadan daha çox dayana bilməyəcəyinə dair siqnal olacaq.
Azpost.info
