Şeyxülislamın Moskvada II Qareginlə görüşü gözlənilir

11 Oktyabr 2021 - 13:04

Qafqaz Müsəlmanları İdarəsinin sədri Şeyxülislam Allahşükür Paşazadə oktyabrın 11-14-də Rusiya Federasiyasında səfərdə olacaq.

QMİ-nin mətbuat xidmətindən verilən məlumata görə, səfər Moskva və bütün Rusiyanın Patriarxı Kirillin dəvətinə əsasən həyata keçirilir.

Səfər çərçivəsində Şeyxülislam A. Paşazadə Patriarx Kirillə görüşəcək. Moskvada, habelə, dini liderlərin üçtərəfli görüşü gözlənilir.

Qafqaz Müsəlmanları İdarəsi Moskva şəhərində Azərbaycanın Rusiya Federasiyasındakı səfirliyi ilə birgə azərbaycanlılar və digər dini konfessiya nümayəndələrinin iştirakı ilə Vətən müharibəsi şəhidlərinin anım mərasimini təşkil edəcək.

APA-nın əldə etdiyi məlumata görə, üçtərəfli görüşdə QMİ sədri Şeyxülislam A. Paşazadənin, Rusiyanın Patriarxı Kirillin və Bütün ermənilərin katalikosu II Qareginin iştirak edəcəyi gözlənilir.