Türkiyə milli futbol yığması gələn il keçiriləcək Avropa çempionatına vəsiqə qazanmaq uğrunda qrup oyununda doğma meydanda Latviya yığmasını qəbul edib.
Türkiyə milli komandası rəqibi 4:0 hesabı ilə məğlub edərək, EURO-2024-ə vəsiqə qazanıb.
Qolları Yunus Akgün, Cenk Tosun (2) və Kərəm Aktürkoğlu rəqibin qapısından keçirib. Türkiyə 16 xalla qrup liderliyində mövqeyini möhkəmləndirib. Qardaş ölkə yığmasının qrupda bir oyunu qalıb.
Türkiyə yığması sonuncu qrup qarşılaşmasını səfərdə Uels millisi ilə keçirəcək. Həmin qarşılaşmanın nəticədən asılı olmayaraq, “ay-ulduzlar” gələn il Almaniyada təşkil olunacaq EURO-2024-ə vəsiqəni təmin edib.
