Türkiyə Rusiya istehsalı olan koronavirus peyvəndini almaqdan imtina edib

Türkiyə yeni növ koronavirus (COVID-19) infeksiyasına qarşı hazırlanmış Rusiya istehsalı olan peyvəndi almaqdan imtina edib.

Bu barədə “Habertürk” Türkiyənin səhiyyə naziri Fəxrəddin Qocaya istinadən məlumat yayıb.

Nazir bildirib ki, Rusiya istehsalı olan peyvənd adenovirusludur: “Problem peyvəndin GLP tələblərinə cavab verməməsindən qaynaqlanıb. Bu səbəblə ÜST və dünya ölkələri bu peyvəndi ala bilməz”.

 Qoca Rusiyaistehsalı peyvəndin Türkiyədə lisenziya ala bilməyəcəyini də vurğulayıb.

Kremlin mətbuat katibi Dmitri Peskov Türkiyənin səhiyyə nazirinin peyvəndlə bağlı fikirlərinə münasibət bildirib. O qeyd edib ki, koronavirusa qarşı Rusiya peyvəndinin testi və sınağının nəticələri onun effektliyini və etibarlılığını göstərir.

“Birmənalı olaraq Rusiya peyvəndinin testlərinin və sınaqlarının nəticələri onun effektliyini və etibarlılığını göstərir”, – deyə D. Peskov vurğulayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

“Milli Qəhrəman adı alacağım günü həmişə gözləmişəm” –

Sonrakı məqalə

Qələbə Bayrağını parada Qarabağ xanının nəslindən olan general gətirəcək –