yük maşını
Paytaxtın Yasamal rayonu Ə.Haqverdiyev küçəsi ilə Ə.Cəmil küçəsinin kəsişməsində yük maşını ağaca dəyib.
DİN-dən AzPost-a verilən məlumata görə, hadisə nəticəsində ərazidə sıxlıq yaranıb.
Hazırda Bakı Şəhər DYP İdarəsinin əməkdaşları tərəfindən hərəkət iştirakçılarının təhlükəsizliyinin təmin edilməsi istiqamətində müvafiq tədbirlər görülür.
Xatırladaq ki, dünən paytaxtın Yasamal rayonu, Murtuza Muxtarov küçəsində “KIA Sportage” markalı 90-MN-601 dövlət nömrə nişanlı avtomobil idarəetməni itirərək dörd nəqliyyat vasitəsilə toqquşub. Zərbənin nəticəsindən avtomobil aşıb, hadisə nəticəsində xəsarət alan olmayıb.
Qeyd edək ki, qəza nəticəsində KIA, “Hyundai Sonata”, “Ford” və “Nissan” markalı avtomobillərə zərər dəyib.
Həmçinin Goranboy rayonunda ölümlə nəticələnən yol-nəqliyyat hadisəsi baş verib. Rayonun Zeyvə kəndi ərazisində “Mersedes” və “Shevrolet” markalı avtomobillərin iştirakı ilə baş verən qəzada 47 yaşlı Nazar Alışov hadisə yerində həyatını itirib.
Faktla bağlı araşdırma aparılır.
