Ermənistan dekabrın 10-da keçiriləcək “3+3” formatı çərçivəsində Rusiya, Türkiyə, İran, Azərbaycan, Gürcüstan xarici işlər nazirlərinin müavinləri səviyyəsində keçiriləcək işçi qrupunun ilk iclasında iştirak edəcək.
Azpost.info bildirir ki, bu barədə Ermənistanın Baş naziri Nikol Paşinyan parlamentdə çıxışı zamanı bildirib.
Paşinyan deyib ki, digər formatlarda müzakirə edilən məsələlərin (Qarabağ məsələsinin, nəqliyyat və kommunikasiyaların bərpası ilə bağlı məsələ) burada müzakirəyə çıxarlmayacağı təqdirdə İrəvan bu formatda iştirkda maraqlıdır.
“Biz bunu həmkarlarla, o cümlədən Rusiya ilə müzakirə etmişik. Bizdə siqnal var ki, onlar bu fikri bölüşürlər”-deyə baş nazir vurğulayıb.
Xatırladaq ki, 3+3 formatı Türkiyə prezidenti Ərdoğan tərəfindən irəli sürülüb. Bu təklif regionda sülhün, sabitiliyin və əməkdaşlığı müzakirə etmək üçün Rusiya, Türkiyə, İran, Azərbaycan, Gürcüstan və Ermənistanın iştirakını nəzərdə tutur.