9 May – faşizm üzərində Qələbə Günüdür

BERLIN, GERMANY – APRIL 23: (EDITOR’S NOTE: Photo taken with a drone.) In this aerial view the Soviet War Memorial to Soviet soldiers killed in World War II stands in Treptower Park during the novel coronavirus crisis on April 23, 2020 in Berlin, Germany. Countries across the world are cancelling their commemoration events to mark the May 8 and May 9 75th anniversary of the end of World War II due to the coronavirus (COVID-19) pandemic. The Treptow Park memorial commemorate the thousands of Soviet soldiers killed in the Battle of Berlin between April and May of 1945 in the final weeks of the war. The statue, which stands 12 meters tall, depicts a Soviet soldier holding a sword and a German child and standing on a crushed swastika. (Photo by Sean Gallup/Getty Images)

Bu gün alman faşizmi üzərində tarixi qələbədən 79 il keçir.

Faşizm üzərində qələbə Azərbaycanda da rəsmi dövlət bayramı kimi qeyd olunur.

May ayının 9-u ölkədə qeyri-iş günüdür.

1939-cu il sentyabrın 1-də Faşist Almaniyası ildırımsürətli “Barbarossa” planı əsasında Polşanı işğal edib. Bununla da bəşəriyyət tarixinə ən qanlı müharibə kimi daxil olan İkinci Dünya müharibəsi başlayıb. 1941-ci il iyunun 22-də isə Hitler Almaniyası Azərbaycanın da daxil olduğu SSRİ-yə hücum edib. Müharibə 1945-ci il mayın 9-da – Berlindəki Reyxstaq binası üzərindən faşizm bayrağının endirilməsi və SSRİ-nin bayrağının sancılması ilə başa çatıb.

Bu müharibədə Azərbaycandan 660 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçib, 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfər “Şərəf” ordeni, 170 min soydaşımız SSRİ-nin müxtəlif orden və medalları ilə təltif edilib.

İki dəfə Sovet İttifaqı Qəhrəmanı, general-mayor Həzi Aslanov, Sovet İttifaqı qəhrəmanları İsrafil Məmmədov, Aslan Vəzirov, Adil Quliyev, Ziya Bünyadov, Gəray Əsədov, Hüseynbala Əliyev, Qafur Məmmədov, Məlik Məhərrəmov, Mehdi Hüseynzadə, generallar Mahmud Əbilov, Akim Abbasov, Tərlan Əliyarbəyov, Hacıbaba Zeynalov və bir çoxunun adı bu müharibənin tarixinə qızıl hərflərlə yazılıb.

İkinci Dünya müharibəsində Azərbaycan nefti də həlledici amillərdən olub. Belə ki, 1941-ci ildə Azərbaycan tarixində ən çox – 23,5 milyon ton neft istehsal olunub və bu, SSRİ-də istehsal olunan neftin 71,4%-ni təşkil edib. Ümumilikdə, müharibə illərində Azərbaycan neftçiləri ölkəyə 75 milyon ton neft, 22 milyon ton benzin və digər neft məhsulları veriblər.

Əvvəlki məqalə

Putin və Paşinyan arasında danışıqlar başa çatıb

Sonrakı məqalə

“Real Madrid” finala çıxdı –