Beynəlxalq ödəniş sistemləri olan “Visa” və “Mastercard” martın 10-dan Rusiyada fəaliyyətini dayandırır.
TASS informasiya agentliyinə istinadla xəbər verir ki, bu ödəniş sistemlərinin Rusiya bankları tərəfindən buraxılmış bütün kartları ölkə ərazisində əvvəlki rejimdə işləyəcək, lakin xaricdə işləməyəcək.
Bundan başqa, transsərhəd əməliyyatlar, məsələn, ölkə xaricindəki internet-mağazalardan alış-verişin pulunu ödəmək mümkün olmayacaq. Həmçinin “Visa” və “Mastercard” kartlarından “Apple Pay” və “Google Pay” xidmətlərində istifadə etmək mümkün olmayacaq.
Daha əvvəl Yaponiyanın JCB ödəmə sistemi Rusiyada əməliyyatlarını dayandırdığını bildirib. Məlumatda qeyd olunmuşdu ki, Rusiyanın buraxdığı JCB kartları xaricdə dəstəklənməyəcək, başqa ölkələrdə buraxılanlar isə Rusiyada işləməyəcək. “Nikkey” qəzetinin yazdığına görə, bu tədbirlər martın 14-dən qüvvəyə minəcək.
