Həsən Hüseynzadə adlı vətəndaş Azərbaycan Dəmir Yollarından şikayətçidir.
AzPost xəbər verir ki, o bu barədə sosial şəbəkə hesabında yazıb.
Şikayətçinin sözlərinə görə, mart ayının 31-də Qəbələ dəmir yolu vağzalında qatarı gözləmək üçün sərnişinlər üçün nəzərdə tutulan gözləmə zalına daxil olmaq istəyib.
Bu zaman mühafizəçi ona yaxınlaşaraq buna icazə verilmədiyini bildirib. Qeyd edib ki, rəhbərliyin göstərişinə əsasən taksi sürücülərinin vətəndaşları narahat etməməsinin qarşısını almaq məqsədilə bu addım atılır.
“Dünyanın heç bir yerində belə mənzərə görməmişəm. Əgər sərnişin buraxılmırsa gözləmə zalı kimin üçündür” – deyə şikayətçi qeyd edib.
Qarşı tərərfin mövqeyini dərc etməyə hazırıq.
