Yanvar ayının ilk günlərində Avropa gündə təxminən 400 milyon kubmetr mayeləşdirilmiş təbii qaz idxal edib.
AzPost bildirir ki, bu rəqəmləri RİA Novosti Avropa Qaz İnfrastrukturu Operatorları Assosiasiyasının məlumatlarına əsasən yayıb.
1 yanvar tarixində LNG terminallarından qaz ötürmə şəbəkəsinə çatdırılma təxminən 393 milyon kubmetr təşkil edib və 2 yanvar tarixində 396 milyon kubmetrə yaxınlaşıb. Dekabr ayında orta idxal gündə 411 milyon kubmetrə çatıb ki, bu da yanvar ayı səviyyəsindən 3-5 faiz yüksəkdir.
2025-ci ilin dekabr ayının sonuna qədər Avropa 12,7 milyard kubmetr LNG idxal edib. Bu, noyabr ayı ilə müqayisədə 1,9 faiz, 2024-cü ilin dekabr ayı səviyyəsindən isə 21,5 faiz çoxdur. Ümumilikdə, 2025-ci ildə Avropaya LNG idxalı əvvəlki ildən 27,5 faiz çox olmaqla 142 milyard kubmetrə çataraq yeni rekord qırıb.
