Fransa prezidenti Emmanuel Makron Fransız hərbi qüvvələrinin NATO çərçivəsində Qrenlandiyada keçiriləcək birgə təlimlərdə iştirak edəcəyini açıqlayıb. AzPost xəbər verir ki, bu barədə dövlət başçısı X sosial şəbəkəsində paylaşım edib.
Təlimlər “Arktik Dözümlülük” adı altında təşkil olunur və Dənmarkın dəvəti ilə həyata keçirilir. Makron bildirib ki, ilk bölmələr artıq təlimlərin keçiriləcəyi bölgəyə yola düşüblər və fransız hərbçiləri yolda olublar.
Dövlət başçısı daha əvvəl ABŞ tərəfindən Qrenlandiyanın ilhaqına yönələn hər hansı təşəbbüslərin ciddi nəticələr doğuracağını vurğulamışdı. Onun sözlərinə görə, Avropa ölkəsinin müstəqilliyinə qarşı addımlar “heç bir halda qəbul edilməyəcək” və buna cəhd göstərənlər önlənilməz zəncirvari reaksiyalarla üzləşəcək.
Bu təlimlər NATO çərçivəsində Arktika regionunda təhlükəsizliyin möhkəmləndirilməsi və qüvvələrin koordinasiyasının artırılması məqsədini daşıyır. Həmçinin Fransanın regiondakı mövqeyinin gücləndirilməsi və potensial təhdidlərə qarşı hazırlığının nümayişi kimi qiymətləndirilir.
