Rusiya məktəblərində miqrant uşaqlarının sayı 45.000 azalıb.
AzPost bildirir ki, bu barədə Rusiya Təhsil Nazirliyindən məlumat verilib. Nazirlik nümayəndələrinin sözlərinə görə, bu, qəbul üçün rus dili imtahanının tələb olunması ilə bağlıdır.
Bir çox ailə imtahandan keçə bilməyib ölkəni tərk edib. Məktəblərdə birinci sinif şagirdlərinin sayı xüsusilə əhəmiyyətli dərəcədə, təxminən üç dəfə azalıb.
Xatırladaq ki, 1 aprel 2025-ci il tarixindən etibarən Rusiya miqrant uşaqlar üçün qəbul qaydalarını sərtləşdirib. Məktəbə qəbul yalnız rus dili imtahanı və qanuni yaşayış yerinin təsdiqlənməsi əsasında həyata keçirilir. Ərizəçilərin 87%-dən çoxu seçim prosesindən keçə bilməyib və bu da onların məktəblərdəki payını kəskin şəkildə azaldıb.
