Türkiyə prezidenti Rəcəb Tayyib Ərdoğan oktyabrın 10-da husilərin Ər-Riyaddakı Kral Xalid Beynəlxalq Hava Limanına hücumunu kəskin şəkildə pisləyib. O, Türkiyənin Səudiyyə Ərəbistanının və səudiyyəli qardaşlarının yanında olduğunu bildirib.
Ərdoğan qeyd edib ki, Türkiyə hüquqa və insanlığa zidd hücumları ən qəti şəkildə qınayır.
Türkiyə prezidenti, həmçinin Pakistan və Səudiyyə Ərəbistanı ilə imzalanmış Birgə Müdafiə Sazişi ilə bağlı görülən işlərdən danışıb.
Onun sözlərinə görə, avqustun 7-də imzalanmış sazişin institusional əsaslarının yaradılması istiqamətində işlər davam edir. “Əvvəlki kimi, NATO-da olduğu kimi, Birgə Müdafiə Sazişi çərçivəsində fəaliyyətlər də milli qanunvericiliyimiz əsasında həyata keçiriləcək”, – Ərdoğan bildirib.
Prezident sazişin ölkə daxilində təsdiqlənməsi prosedurlarının tamamlanması üçün yaxın günlərdə Türkiyə Böyük Millət Məclisinə təqdim olunması istiqamətində işlərin davam etdiyini vurğulayıb.
Ərdoğan qeyd edib ki, Türkiyə hadisələrə heç vaxt etnik və məzhəbi baxış bucağından yanaşmır.
“Biz bütün regionumuzda sülhün və sabitliyin hökm sürməsini istəyirik. Regional məsuliyyət və təşəbbüs prinsipi əsasında sülhü müdafiə etməyə, onun təmin olunması üçün səylər göstərməyə davam edəcəyik”, – Türkiyə prezidenti əlavə edib.
