ABŞ Rusiya təbliğatı ilə mübarizə üçün beynəlxalq mərkəz yaradır

ABŞ və Polşa Rusiyanın Ukraynadakı müharibə ilə bağlı dezinformasiyalarına qarşı çıxmaq üçün Varşavada çoxmillətli qrup yaratdıqlarını elan ediblər.

Azpost.info xəbər verir ki, bu barədə ABŞ Dövlət Departamentindən bildirilib.

“Qrup Rusiyanın genişmiqyaslı işğalı haqqında dəqiq məlumatı təbliğ etmək və Kremlin informasiya manipulyasiyasını ifşa etmək üçün həmfikir tərəfdaş hökumətləri bir araya gətirəcək”, – məlumatda deyilir.

Amerikalı diplomat Ceyms Rubinin sözlərinə görə, qrupa ondan çox Qərb mütəxəssisi daxil olacaq. İştirak etməyə razılıq verən ölkələr arasında Ukrayna, Kanada, Finlandiya, Fransa, Almaniya, İtaliya, Latviya, Litva, Polşa, Sloveniya var.

Diplomat əlavə edib ki, kommunikasiya qrupunun işində NATO və Avropa Xarici Fəaliyyət Xidməti də iştirak edəcək.

Azpost.info

Əvvəlki məqalə

Paşinyan Ermənistan konstitusiyasını dəyişdirməkdən imtina edib

Sonrakı məqalə

Sel Laçının Zabux və Sus kəndlərində yaşayış sahələrinə ziyan vurub