Almaniya Rusiyadakı səfirini geri çağırıb

Almaniya Xarici İşlər Nazirliyi səfir Aleksandr Lambsdorfu məsləhətləşmələr üçün Moskvadan geri çağırıb.

Azpost.info xəbər verir ki, bu barədə diplomatik nümayəndə Katrin Deşauer bildirib.

“Səfir Lambsdorfun Berlində məsləhətləşmələr üçün geri çağırılması qərara alınıb”, – Deşauer deyib.

O qeyd edib ki, bu qərar Rusiyaya qarşı iddia edilən kiberhücumlarla bağlıdır.

Səfir Berlində bir həftə qalacaq, bundan sonra Moskvaya qayıdacaq.

Almaniya Xarici İşlər Nazirliyi ATP28 kiberqrupunun Almaniya Sosial Demokrat Partiyasının bir neçə e-poçt hesabını sındırdığı barədə hesabat dərc edib. Mötəbər məlumatlara əsaslanaraq adı çəkilən haker qrupu Rusiyaya aid edilib.

Azpost.info

 

Əvvəlki məqalə

“Füzulidə dağıntıların miqyasını görəndə çox təsirləndik” –

Sonrakı məqalə

Slovakiyanın Baş naziri Robert Fiko Azərbaycana gəlir