Avropa İttifaqı və Yaponiya strateji və müdafiə tərəfdaşlığı ilə bağlı saziş imzalayıblar.
Azpost.info xəbər verir ki, bu barədə Avropa İttifaqının Xarici siyasət və təhlükəsizlik üzrə Ali nümayəndəsi Jozep Borrel Tokioda mətbuat konfransında bildirib.
“Bu gün biz Aİ-Yaponiya Strateji və Müdafiə Tərəfdaşlığının bağlandığını elan edirik. Bu, tarixdə Avropa İttifaqının Asiya-Sakit Okean regionundakı bir ölkə ilə bağladığı ilk belə əməkdaşlıq proqramıdır”, – Borrel deyib.
Yaponiyanın xarici işlər naziri Takeşi İvayanın sözlərinə görə, saziş müdafiə və təhlükəsizlik sahələrinə aiddir. Bundan başqa, tərəflər strateji tərəfdaşlıq müqaviləsi imzalayıblar.
Azpost.info
